Արի նկարենք մեր սիրո կինոն:
Մե՞ր սիրո կինոն. ի՛մ սիրո կինոն:
Թող, որ ես լինեմ երջանիկ դերում,
Ես լավ կկերտեմ կերպարը նրա,
Իմ բռնազբոսիկ ժպիտի համար
Ես կարժանանամ լավագույն կոչման:
Արի նկարենք մեր սիրո կինոն:
Մե՞ր սիրո կինոն. քո՛ սիրո կինոն:
Թող, որ դու լինես քնքուշ հրեշտակ,
Դու լավ կկերտես կերպարը նրա,
Քո ծով աչքերով, հայացքով հանդերձ
Դու կարժանանաս լավագույն կոչման:
Արի նկարենք մեր սիրո կինոն:
Մե՞ր սիրո կինոն. անհնար է այդ:
Այդպիսի կինո չկա,
Չի եղել ու չի էլ լինի,
Ինչպես մեր սերը՝
Չկա, չի եղել ու չի էլ լինի:
No comments:
Post a Comment